點解係新許願樹“奠基”儀式度

有著住藏傳佛教喇嘛服飾嘅人兄

真係罪過罪過

真果棵許願樹係天后廟旁邊

係一棵樟樹

不過已經枯咗幾十年

村民之後再種過一棵

不過係榕樹

今時今日有人要選榕樹成為香港嘅代表植物

真係令人啼笑皆非

榕樹係農村係無用之物

唔見花

果又唔食得

水份多燒唔著

木紋彎難成器

連做紙都嫌太粗陋

枝葉亂惹蟲

氣根生落地會侵占田地

唯一用途係個榕樹頭

畀人擺啲舊神位佛像

等遊魂野鬼有得匿

如果真係信有許願樹

一定唔會係榕樹

拋寶牒上去

同玩碟仙差不多

如果榕樹真係成許願樹

等出年我係花市賣盆栽許願樹

大家只要係上面綁個橙

許願就係咁簡單